Plantun de Prouvènço

Pèr coumpara dos planto d'encò nostre

Minuartia verna & Asplenium trichomanes subsp. quadrivalens

Minuartia verna

Caryophyllaceae

Nom en français : Minuartie de printemps.

Descripcioun :
La lineto-dóu-printèms es uno pichoto planto renadivo que trachis en mato dins li tepiero roucaiouso de mountagno. Li cambo porton de pichòti fueio óupousado di tres costo. Pèr pas s'engana emé de planto proche, alucas li sepalo que dèvon èstre emé de bord membranous pas trop espès, di tres costo e bèn dubert à la flourido. Peréu li petalo an un ounglet courtet au contro de Minuartia villarii. Pensa d'utilisa la coumparesoun se sias pas segur qu'es eisa de s'engana.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 2 à 15 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Minuartia
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 6 à 10 mm
Flourido : Printèms - Estiéu

Sòu : Ca
Autour basso e auto : 400 à 3000 m
Aparado : Vo
Jun à setèmbre

Liò : Tepiero roucaiouso - Esboudèu
Estànci : Mountagnard à Aupen
Couroulougi : Ouroufito-Éurasiatico
Ref. sc. : Minuartia verna (L.) Hiern, 1899

Erbo-de-l'escaleto

Asplenium trichomanes subsp. quadrivalens

Aspleniaceae

Àutri noum : Erbo-de-la-bresego, Poulitri, Efiouse.

Noms en français : Capillaire des murailles, Doradille polytric.

Descripcioun :
L'erbo-de-l'escaleto trachis sus li paret e roucas, pulèu à l'oumbro, dins li relarg umide. Porto bèn soun noum que li foundo soun facho de pichot paréu de peno que dounon d'èr à uno escaleto. Lou pecou èi negre e brihant. A val de Blore ié dison l'efiouse.

Usanço :
Es uno planto vertuouso contro lou tussi et li mau de garganto. Pèr acò, faire uno tisano de 8 g de foundo e 1 litre d'aigo boulento (Èi poussible de n'en faire peréu un sirop emé proun de sucre). Dèu peréu apasima li bresego (o mau-blanc).

Port : Pichoto planto lignouso
Taio : 4 à 40 cm
Fueio : Foundo
Tipe bioulougico : Emicriptoufite
Cicle bioulougico : Planto renadivo

Gènre : Asplenium
Famiho : Aspleniaceae

Ordre : Polypodiales

Coulour de la flour : Ges de flour
Petalo : ges
Ø (o loungour) flour : Ges de flour
Flourido : Printèms - Estiéu - Autouno

Sòu : Ca (Si)
Autour basso e auto : Pancaro entresigna
Aparado : Noun

Liò : Paret - Relarg umide - Roucas
Estànci : Coulinen à Subaupen
Couroulougi : Éuropo
Ref. sc. : Asplenium trichomanes subsp. quadrivalens D.E.Mey., 1964 (= Asplenium trichomanes L. )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Minuartia verna & Asplenium trichomanes subsp. quadrivalens

ges

Coumpara Lineto(-dóu-printèms) emé uno autro planto

Coumpara Erbo-de-l'escaleto emé uno autro planto